بيت الفنان عزت ابو عوف المسكون بالجن ... اشهر بيت مرعب في مصر

"في 10 شارع سيرلانكا ف الزمالك كان ب يسكن التاجر الثري شيكوريل" ، ذاع صيته وانتشر اسمه في عدد كبير ف أفلام الأبيض والأسود كأهم شركة محلات تجارية ف مصر وع الرغم من الشهره والثراء ده ، إلا أن ورا الاسم قصة ولغز كبير. 

"فيلا شيكوريل" قصة رعب حقيقية حصلت فعلا؛ كان بطلها اليهودي من أصل إيطالي اللي هو مورينيو شيكوريل ، جه مصر عشان يبدأ يستثمر فيها مع زوجته ، و يفتح محل ملابس ربنا كرمه و في وقت قصير بقي من أشهر وأرقى محلات الملابس في مصر، وب اسم "شيكوريل".

كان مورينيو أب ل٣ أولاد .. لما ربنا فتحها عليه قرر يشتري فيلا في الزمالك يعيش فيها .

وقتها كانت ممتلكاته وصلت ل 500 ألف جنيه وقتها !

وف وقت زي العشرينات ، مبلغ زي ده شوف يعمل كام ساعتها من حيث القيمه دلوقت .

بقي من قامات البلد ، ومعروف ومشهور ب ثراه الفاحش ، وبدت العيون تبص عليه ، خصوصاً الحراميه ، اللي كانوا بيتمنوا بس إنهم يسرقوا الساعه الفارهه بتاعته وقتها .

ف 1927 اقتحم فيلا شيكوريل 3 حراميه ، وقاموا بتخدير زوجته ، ولما صحي شيكوريل ع الصريخ ، قتله الحراميه بـ11 طعنة ف انحاء متفرقه من جسمه .، وسرقوا كل المجوهرات والدهب اللي ف البيت .

وبعد الحادثه دي ، قررت عائله شيكوريل إنها ترجع بلادهم تاني برا مصر ... وسابوا البيت فاضي تمام و لمدة 30 سنه بحالهم !

لحد م جاءت إحدى العائلات اللي قررت شرا الفيلا سنه 1957، كانت عائلة الفنان الراحل عزت أبو عوف ، عيله الفنان الله يرحمه قرروا يشتروا فيلا الزمالك ويستقروا فيها .

وزوجته سميرة عبدالكريم صالح فقط .

عاشوا حياه طبيعيه جدا هو وزوجته بس ف مره لاحظت الزوجة أن فيه أنفاس وريح بتشمها حواليها ديما ، اللي هوا لو ماشيه ووقفت بتحس ان فيه حد وقف وراها ، ونفسه اللي بيخرج منه بتحسه حكت الموضوع لوالدتها وقالتلها اللي بيحصل عشان تأكدلها أنها ب تلاحظ وجود أنفاس غريبة ف الفيلا.

وكشف الفنان عزت أبو عوف في لقاء تليفزيوني عن مغامرات حدثت في الفيلا، مشيرا إلى أن روح مورينيو شيكوريل كانت تسكن الفيلا، موضحا: "كان يظهر من حين لآخر ويذهب بأمان ودون أذى لأي شخص.

ف مره دعت الفنانة مها أبو عوف" اخت عزت ابو عوف " يسرا انها تبات معاها في الفيلا يسرا مكنتش عارفه حاجه ولا تعرف اللي بيحصل ف الفيلا وحكت لتجربتها بعدين وقالت: بتقول انها كنت مدعوة ع العشاء ف الفيلا بتاعت صحبتي مها ، وفضلت هناك لحد بالليل متأخر ، واصرت مها اني أكمل الليلة معاها وانا مكنش عندي حاجه تاني يوم ف وافقت وقولتها ماشي.

خدتني معاها ل اوضه نومها عشان ننام وقعدنا نتكلم كتير، وسهرنا لحد الساعة ٣ الفجر خلاص خلصنا كلام وحسينا اننا عايزين ننام ف قفلنا النور ولسه بنحاول ننام بس فجأة سمعت صوت حد ماشي بره ، كان الصوت واضح جداً ، يسرا بتقول كمان ان الصوت كان عمال يقرب من الاوضه بتاعتنا .!

اتفزعت وشعري وقف من الرعب لان مكنش فيه حد موجود ف الفيلا غيري انا ومها ف مين اللي هيتحرك ويمشي

ف الفيلا ، وصوت رجله عالي كده مش هيبقي حرامي اكيد ، دا حاجه تانيه.!

مديت ايدي ل سرير مها و وصحيتها م النوم ، وقولتها اللي سمعته واللي بيحصل ف اتصدمت اكتر من مها ، لقيتها ببساطة كده بتقولي أنه شبح و أنهم متعودين عليه ، وع العيشه معاه لانه مش مؤذي و مسالم وبيعيش معاهم في الفيلا من زمان.

حتى عزت أبو عوف قال بعدها لما سألوه عن الموضوع ده: إن الشبح كان موجود ديما الليل ، كان بيظهرلهم بوضوح على هيئة ضل راجل عجوز شايل ف ايده شمعه منوره بتنور طريقه قولنا لابونا من زمان انه يدورلنا ع سكن تاني بس بدل ميشوفلنا سكن تاني.بدأ يدور عن أصل الشبح عن طريق الراجل اللي باعلنا الفيلا.!

الراجل قاله أن الشبح هادى و مسالم جداً و مش مؤذي بتاتاً ، و قاله أن الفيلا كانت ملك لرجل أعمال اسمه "شيكوريل".

و فيه محلات باسمه لحد وقتنا ده وانه للأسف مات ف حادثة قتل داخل الفيلا ودا السبب اللي خلي فيه شبح ف الفيلا و مع الوقت أسرة أبو عوف إتعودت على وجود الشبح وبقي واحد منهم عايش معاهم.

وقالت برضو انه ف مره كان خالي بيذاكر وخلص ونام ع المكتب عشان يرتاح شويه ف سمع انفاس وصوت خطوات رجلين ولما بص وراه ’ شاف شبح بملابس سودا ماعدا الرقبة كانت بيضا وشعره متسرح ل لورا وعينه كانت برا وشه .!

خالي اتفزع من المشهد ده بس جمد قلبه ووحاول يبعدالكائن الغريب ده من قدامه وقعد يضرب فيه بس ايده مش بتعدي ف جسمه وكأنه ب يضرب في الهوا خالي طلع يجري لاوضه امي وشعره ابيض وواقف و كأنه شاف الموت بعينه.

مها ابو عوف قالت برضو: ان ابويا ف مره كان ف البيت لوحده لأننا كنا مسافرين للاسكندرية ، وكان ابويا ب يلحن و نسى مقطوعة موسيقية ف ساب العود وراح ينام ، وفجأه لقي المقطوعة اللي نسيها ب تتعزف في الخارج ع العود بتاعها.!

بعدها بقي يظهر الشبح في اوضه نوم ابويا كأنه جه عشان يثبت له أنه موجود فعلا في البيت لأن ابويا كان الوحيد اللي مبيصدقش ف مواضيع الاشباح ده.

وقالت: مشوفتش الشبح بشكل كبير ف أول أيام، بس بعدين شوفته بعيني ، وكان شكله حلو مش زي م خالي حكي عنه جايز كان بيغير من شكله ويظهر وبيمشي بخطوات ثابته وفي ايده سيجاره من النوع الغاليو بعدها قعد علي الباينو وقعد يعزف فجريت بسرعة ع ابويا عشان اقوله ع اللي شوفته.

ابويا ف الاول مصدقنيش زي م كان مبيصدقش حد و بدأت بعدين كل يوم اشوفه ومبقتش بخاف منه زي م خوفت اول مره، خلاص بقيت متعوده علي الشبح كأنه واحد من العيله.